ஆல்பம்:
சென்னையில் மழைக்காலத்தில் மழை பெய்வது வியப்பாக உள்ளது. பெண்களூரில் ரெய்னி சீசனில் மழை பெய்வதாக பேசிக்கொண்டார்கள். இதுகுறித்து ஐநாசபைக்கு ட்வீட் செய்திருக்கிறேன். சென்னையை சரிசெய்கிறார்களா பார்க்கலாம்.
=============
மங்காத்தா படத்தைப் பத்தி இப்போதுதான் எழுதினேன்... அதற்குள் அதை வெங்கெட் பிரபு இயக்கி, அஜீத் நடித்து வெளியிட்டுவிட்டார்கள். மங்காத்தா படத்தைப் பற்றி தெரிந்து கொண்டீர்களா?
========
BBC சேனலின் செய்தி வாசிப்பாளர் அலக்ஜான்ட்ரியா எத்தனை முறை பதட்டத்தில் திக்கி தப்பாக செய்தி வாசித்தாலும்,ரசிக்கவே செய்கின்றேன். ஏனென்றால் அவர் சரியாக வாசித்தாலும் எனக்கு புரியாது.
==========
மிக்சர்:
சென்னையில் பிசியான என் வீட்டு கூரையில் காக்கா ஒன்று கூடு கட்டியிருந்தது. "நிம்மதியா நான் உன்னை தூங்க கூட விடமாட்டேன்...நைட்ல கூட முழிச்சு வாசகர் கடிதம் எழுதுவேன்" என்றேன். காக்கை தலையில் ஆய் போய்விட்டு பரந்துவிட்டது. காக்கையே உன் சமத்து..
==========
சென்னையில் ராயப்பேட்டா அருகில் ஒரு ஓட்டலில் ப்ளாக் அண்ட் வைட் டிவி உள்ளது. அந்த டிவியில் கருப்பு வெள்ளை தவிர வேறு எந்த கலரும் வரவில்லை. ஓட்டல் முதலாளியிடம் சண்டை போட்டேன். ரெண்டு இட்லி கட்டிகொடுத்து வழியனுப்பினார்.
==========
வாசக நண்பர் இன்ஃபோசிஸ் நாராயணமூர்த்தியை பெண்களூருவில் சந்தித்தேன். அவர் காசில் ஓசி டீ குடித்தது மனதுக்கு தெம்பாக இருந்தது. என் ரெஷ்யூம் கொடுத்தேன். கடலில் கப்பல் தள்ளும் வேலை வாங்கித்தருவதாக வாக்குறுதி கொடுத்துள்ளார். நடக்கிறதா பார்க்கலாம்.
==========
நேற்று கடலூர் அருகில் இருக்கும் பிரியாணி கடையில் வாசக நண்பர் ராஜ்ஜை சந்தித்தேன். அவர் வாங்கி கொடுத்த பிரியாணியை ருசித்தபடியே பேசினோம். பின் பில் வந்தவுடன் லேசாக நிமிர்ந்து என்னை பார்த்தார். தலைதெறிக்க வெளியே ஓடிவந்து விட்டேன். வரவர உலகம், ரொம்ப கெட்டுவிட்டது.
==========
இந்த வாரம் பல வெளிக்கம்பனிகளுக்கு வாசகர் கடிதம் எழுதிக்கொடுக்கும் பனி நிறைய இருப்பதால் எனக்கு என்னால் எழுத முடியாமல் போய்விட்டது. அடுத்தவாரம் முடிகிறதா பார்க்கலாம்.
==========
டவுன் பஸ்ஸில் கண்டக்டர் எழுதியிருந்ததைப் படித்ததும் கண்களில் கண்ணீர் வந்துவிட்டது. அதுவும் அவர் ஸ்பெல்லிங் மிஸ்டேக் இல்லாமல் எழுதியிருந்ததுதான் ஹைலைட்.
அந்த செய்தி உங்களுக்காக
"டிக்கெட் எடுக்காத திருட்டுப்பயல்கள் வழியிலேயே இறக்கிவிடப்படுவார்கள்"
இதைப் படித்துவிட்டு பயங்கரமாக அழுதேன், தேம்பி தேம்பி அழுதேன்.
==========
இந்தவார சலனப்படம்:
நம்மூர் நடிகை காத்ரீனா கைப்பின் அண்ணன் மொகமது கைப் எப்படி கேட்ச் பிடிக்கிறார் பாருங்கள். லைவில்தான் அப்படி பிடித்தார் என்றால் ரீப்ளேவிலும் அதேபோல அவர் பந்தை பிடிப்பதுதான் ஹைலைட்.
==========
பிலாசபி பாண்டி
நீங்கள் பார்த்துக்கொண்டிருப்பது சன் டிவியின் தமிழ் மாலை.
==================== ====================
பிரியங்காவுடன்
சாம் மார்த்தாண்டன்.
பெண்ணை பார்ப்பது அல்ல நீ..... கையை பிடித்து இழுத்து செருப்படி வாங்குவதே நீ.....
EVER YOURS...